ديرة بطيخ

القوي الأمين

أبائي أمهاتي أخواتي وإخواني

دولة الكويت

مجلس الوزراء

الدستور الكويتي

الديموقراطية الكويتية

مجلس الأمة

البرلمان

أعضاء البرلمان

هذه الكلمات ذات معانً ليست مجالاً للعبث ليست مجالاً للتهاون ليست سلعة كمالية ليست رفاهية*****إنها حقيقة تغطي عين الشمس إنها مسوؤلية الجميع إنها حق لجميع المواطنين إنها الإرث الغالي الذي لن يفنى إنها ل .. كويت الحاضر .. ل .. كويت المستقبل .. لأبنائنا لذا فإنها أمانة عند الجميع .. والجميع عليهم عدم التهاون بممارسة حقهم يوم الإنتخاب .. وإختيار القوى الأمين ليمثلهم تحت قبة البرلمان .. حفظاً لحقوهم ..وديموقراطية الكويت وثرواتها للأجيال القادمة إنها دعوة صادقة .. لممارسة الديموقراطية الكويتية من أجل كويتنا الغالية

☑ أخوكم / عادل عبدالعزيز الصرعاوي

☑ أخوكم / عبدالعزيز حمد الشايجي

☑ أخوكم / علي فهد الراشد

*******************************************************

حلال عليكم وحرام على غيركم يا ربع التحالف

الصراحه انصدمت وصعقت بالاحرى بعد ماشفت ردود افعال ربع التحالف واسيل معاهم على اليوتيوب الي تم تسجيل محاضرتها فيه... غريب أمركم يا ربع التحالف؟؟؟

رفع قضية على مدونه!!!؟؟؟

ومطالبة وزارة المواصلات بحجب وصلة اليوتيوب!!!؟؟؟

وماكو مدونة تحالفية او ليبرالية مادافعت ورقعت... على شنو بالله ؟؟؟ على شنو !!! نسينه ماكلينه ولا شنو؟

ترى ماصارت هل سوالف الا منكم وبالاحرى ماتعلموا هل سوالف الا منكم ولا نسيتوا الانتخابات الي فاتت لما افتريتوا على الشايجي وقلتوا وعملتوا وحطيتوا ودزيتوا مسجات حق الكويت كلها بيومين (ترى هل مره بس يوتيوب وايميلات عيل لو مسجات نفسكم جان اشسويتوا بعد) ومستندات تدين وجنكم صج وطلع كله ورق بورق

وماكان الي كنتوا امسوينه اشاعات وافتراءات ولا خباثت الوقت الاخير من الانتخابات بل كان حق وكشف للحقائق وكان عمل وطني صرف... بس هل مره غير مع ان هل مره لا اشاعه ولا شي واحنه كلنه عارفين ان شي طبيعي ان الطالبات يسجلون المحاظرات عشان ينقلونها بعدين والتسجيل ماكان ملفق وكان صوت اسيل واهيا اعترفت فيه فليش هل دفاع المستميت هذا فكرها وهذا اسلوبها خل العالم اتعرفه شنو المشكله :)

بس اهم شي الفيديو الي سويتوه ابسرعه عن فضيحتها عشان اتوجهون الناس انهم يشوفونه بدال لايشوفون الصجي وعشان اترقعون على كلامها... للاسف كل يوم عن يوم تثبتون للناس انكم تدعون انكم التيار الوطني بأنه مجرد ادعاء وليس حقيقه لان افعالكم مشينه.

وماقول الا خبز خبزتيه يالرفله كوليه

من كان فوزها مضمون دخلتوها مرحلة الخطر بأعمالكم