عدم عقد جلسات مجلس الأمه لحين الانتهاء من المؤتمر الاقتصادي بنهاية شهر يناير
ولن يعلن عن الحكومه الجديده الا في نهاية شهر يناير
شنو يعني!!
شنو نفهم!!
شنو هل لخبطه وهل مسخره شنو يعني الديره واقفه لي هل وقت والديره الحين في اصعب اوقاتها
لا من لجنه لحل أزمه اقتصاديه وليلحين ماشفنا منها شي
وبترولنا كل يوم ينزل والالمان ليلحين يطالبون باسقاط القروض
ووزير التجاره يصرح عنه وعن وزير الماليه وعن رئيس الوزراء وماباقي الا اهو الي يعلن عن الحل الغير دستوري
وطلال الفهد راكب راسه ومعاند مرزوق الغانم ومضيع الديره وسمعتها ومجمد رياضتنا الخارجيه
الصحه والتعليم والاسكان والامن والقوانين كلها مضروبه ومكانك راوح ولا حياة لمن تنادي
لا أسره لها هيبه ولا اداره وكل من يضرب بالثاني ومخلينا شماته لغيرنا من الدول
والمرتزقه سكوب وغيرها طايحيله تمجيد بناصر المحمد الي والله صج على قولتهم ما أسرحه بنعجه
ويطلع لنا القلاف الي ما انعرف الا من الدستور ويسوق الحل الغير دستوري
وجم تيار عيني عينك يخدم مصالح الريس مالهم التجاريه ويضرب ربعه على أبو انه اهو المعزب ومالي الجيوب
والله حرام الي يصير بالكويت
والله ديرتنا ماتستاهل
عشان بس اتعرفون ليش سميت مدونتي هل اسم
10 comments:
LOL
قطار التحلطم مر من هنا :-P
لوية ياخوك لوية
يا معود طلعت أنا رحمة بالنسبة لك
يا خوي حدك قوي
وتحلطمك جايد ويودي ورا الشمس
إلا ما قلت لي
تعرف وين يكون ورا الشمس ؟
يا جماعه هذا واقعنا ليش نتهرب منه
الله يستر على ديرتنا
وادري وين ورا الشمس مو يم انجفه :)
شاكر لكم مروركم
سلام
عيدك مبارك يا خوي
استمتع بالعيد هاليومين
و وراها يسهلها ربك
كل عام وانت بخير
وما تنلام باللي قلته
وصورة المرحوم جابر الاحمد عجيبة
وانتم بخير وصحه وسلامه انشالله
ومشكورين على المرور
كل عام وانتم بخير :)
وانتي بخير وصحه وسلامه
وشكرا على المرور وعلى تحملج سماع تحلطم الكويتيين يا بنت زايد
"أصلح نفسك
وادعُ غيرك
ودع القافلة تسير"
هكذا تقول الحكمة
وعلينا أن نحاول تطبيقها
فنبدأ بأنفسها وسلوكياتنا الوظيفية والمعيشية
ثم ننتقل لمن هم حول من الأهل والأصدقاء
وهذا تسير القافلة للأمام
دائمًا إن شاء الله
"من سيء الى اسوأ"
للاسف لا نرا في الواقع الا ماينطبق على هذا الوضع .. وخذ ماذكرت قياسا
مع تسجيل تحفضي على الحزب اللي يخدم بس مصالح ريسه اذا كان هو الحزب اللي ابالي :)
Post a Comment